2017-11-02

'Casting-a' "Eskularru beltzak" bildumako bigarrena kalean

Jasone Osorok kaleratu berri du 'Casting-a'. Liburua "Eskularru Beltzak" bildumako bigarrena da, eta lehenengoa udaberriak katelatu zuen.
Berak azalduko dizue bere liburu berria inork baino hobeto:

2017-10-25

'Jenisjoplin' dela eta elkarrizketa Uxue Alberdiri

«Saiatu naiz mina agerian uzten, gardena izaten, baina dramarik gabe»Honela dio Uxuek bere liburu berriari buruz egin dioten elkarrizketa interesgarri honetan. 

Elkarrizketa irakurtzeko: Naiz.eus

2017-10-19

Letren Txokoa

Uxueren azken liburuaren (Jenisjoplin) aurkezpena gaur dela eta Jasonek duela gutxi gazteentzako liburu berria (Eskularru beltzak) kaleratu duela aprobetxatuz, helduentzako idatzi dituzten liburuak apaletatik atera eta jendeaurrean ikusgai jarri ditugu Ezenarro eraikuntzan daukagun Letren Txokoan.

2017-10-17

Euskal komikiaren historia Bilbon

Mikel Begoña eta Kike Infamek osatu dute Euskal Komikia 1975-2017 erakusketa, eta Bilboko Foru  Liburutegian ikusgai egongo da Urriaren 27arte.

Mikel Begoña gidoilariak dio Franco hil ondoren Euskal Herrian argitalpen berriak agertu zirela, eta abagune horretan indartu zela euskal komikigintza ere. Azken lau hamarkadetan euskal komikigintzak emandako uztaren erakusleiho bat da erakusketa. Badago-eta zer irakurri, Begoñaren hitzetan. «Komikigintza irakurleen artean zabaltzea besterik ez da falta, produktua egon badagoelako, eta kalitate onekoa, gainera»

Iturria: "Berria"

2017-10-11

Katalogazio berriak liburutegian

Hemen ikasturte haseratik liburutegian katalogatu berriak ditugun liburuak. Denetarik dago: 3 hizkuntza, ikasketetarako, aisirako, berriak, ez hain berriak, abentura, beldurra, emozioak, gaztetxoentzako, gazteentzako, hain gazteak ez direnentzako ... Begiratu, begiratu ...
DBH 
BATX

2017-10-09

Jasone Osorok eta Uxue Alberdik liburu bana kaleratu dute

'Eskularru beltzak' da Jasoneren azken lana. Gazteei zuzendutako bilduma baten hasiera da liburua. Zazpi pertsonaia nagusiren bueltan harilkatuko da bilduma. Istorio eta abentura ezberdinak egongo dira liburu bakoitzean baina boxeoa nabarmentzen da guzstietan. 
Beire ingelesa ikasteko udaleku batera bidali dute gurasoek. Bere institutuan gelako liderra den arren, udalekuan inork ez du aintzat hartzen, eta Baba izeneko mutil misteriotsu batengan aurkituko du babesa, boxeoa ikasteaz gainera.Etxera itzulita, bere betiko lagun Kar eta Leterekin batera, hirurek osatzen duten Sua taldea prest dago, berriz ere, institutuko izarrak izan eta egurra emateko, baina badirudi aurtengo ikasturtean gauzak desberdinak izango direla.

'Jenisjoplin' da Uxueren azkena, Nagore Vargas de liburuko protagonista. Baldintza makurrei aurre eginez zaildutakoa da Nagore Vargas, gaztaroa intentsitate handiz bizi izan dutenen grinarekin borrokatzera ohitua: autoritatearen kontra, benetakotasunaren bila, desafioek inarrosirik, barne bulkadaz, presaka maitatzen, bortizkeriari artez begira, arriskuari deika, edozertarako prest.    
Bilbora iritsi zenean hiri bat gatazkan zeukan deskubritzeko; zenbait iraultza eta abentura, engaiatzeko; gorputz bat, biolentziaren eta erotikaren artean jokoan jartzeko.


2017-10-02

Miren Amurizak irabazi du Igartza Saria

'Paperezko txoriak' eleberriarekin irabazi du Miren Amuriza bertsolari eta idazleak Elkar argitaletxeak, Beasaingo Udalak eta CAF enpresak antolatzen duten idazle berrientzako sariketa.

"Beren burua berreraikitzen saiatuko diren hiru lagun" izango dira Paperezko txoriak lanaren protagonista nagusiak. Sabina, bizitza osoan baserrian bizi izan den 80 urte inguruko emakumea, haren alaba Karmele eta biloba Oihal. Urteetan pilatutako nekearen eta minaren ondorioz, Sabina bere buruaz beste egiten ahaleginduko da, eta horrek familiaren zimenduak mugituko ditu, kolokan jartzeraino. "Pieza guztiak mugituko dira, eta familiako kideen arteko talkak sortuko dira", adierazi du Amurizak gaur goizean Donostian eginiko aurkezpenean.

Iturria: Berria

2017ko Euskadi Literatura Sarien irabazleak

Arantxa Urretabizkaia, Asier Serrano eta Fernando Aramburu idazleek irabazi dituzte aurtengo Euskadi Literatura Sariak, Euskarazko Saiakera, Euskarazko Literatura eta Gaztelaniazko Literatura sailetan. Hain zuzen ere, Bidean IkasiaLinbotarrak eta Patria liburuengatik jaso dituzte sariak.